飛躍球場

Hello everybody! 飛躍球場終於重現人間啦！不過今趟唔係介紹球員or球隊既資料喎！

我九廿年冇睇波冇睇足球雜誌，甚至託人老遠從英國買碧咸本

My Story都未睇過 ( Sorry Agnes；其實都申笨，香港都有得買)，所以都費事

寫佢地d野，過左歐洲國家盃先啦！呵呵！

2000歐洲國家盃篇

2000.7.3

  我永遠支持意大利，我永遠都咁愛迪比阿路，我覺得鍾意一隊波，無論佢輸定贏、踢成點都好，都永

遠唔會放棄佢地既，我知道好多人o係心入面已經頒左個獎俾意大利，o係我心目中，佢地係最好既！

2000.7.1

  好開心好開心好開心！我咁大個女，從來未睇過一場波咁開心架！意大利果然冇得頂，o係咁劣既形勢

底下，都可以後尾贏返既！開頭我睇到嘔血，森保達俾個癲球証趕出場，又罰左兩個12碼，我就已經以淚

洗面，仲要俾阿媽潤我意大利唔夠人打，又我話痴線，有咩好喊，哼！人唔傷心就唔流淚嘛！我又唔係賭

波輸錢，人地真係為意大利踢到咁而傷心。佢地真係唔多配出到線，只不過佢地果種死唔斷氣既拼博精神

令我好感動，尤其係睇到托度救埋最後個球12碼，迪比阿路同成班球員好齊心咁排住一直線，見到出左線

就即刻飛奔去攪住個龍門，佢地果種開心法，我真係好想到現場感受一下佢地既喜悅，好想見到迪比阿路

佢咁開心，佢果日踢得好沉，都好擔心佢下場冇正選，有正選又驚俾人換走，但係見到佢咁開心咁飛去攬

住托度，我就覺得佢好可愛好正，好想好想同佢分享哩份快樂呀！呵呵！

開心到痺！

2000.6.26

  意大利贏左羅馬尼亞2:0，算踢得幾好啦！起碼冇睇到我心臟病，但睇左荷蘭贏南斯拉夫6:1，真係好恐

怖，好驚呀！意大利點算呀？唔可以輸架！點都唔可以輸架！

2000.6.23

  Philip繼續成為焦點人物俾人狂鬧，雖然開頭我好唔想聽到人地鬧佢，不過都冇法子啦 ，鬼叫佢真

係衰左個12碼俾人咩？我今日路過netvigator，睇到葡萄牙既蘇沙係度奚落英格蘭，唉，我冇話佢講得唔o岩

既，只不過好唔鍾意佢d態度，佢評到英格蘭d球員好似介仲差過係街邊踢波既街童，而且見到後衛犯錯

時，仲o係後備席度嘲笑佢地，嗚.........，Gary、Philip..........

2000.6.21

  點解英格蘭輸波永遠有個罪人出現，上次係碧咸，今次輪到我Philip。大部分球迷都鍾意姓賴，哩次

我Philip肯定冇命，返到屋企實俾人掟雞蛋，或者手榴彈，最慘係會俾傳媒賴到佢一幢都冇，影響埋佢既足

球事業就死啦！Philip係我最鍾意，對我最重要既球員，我好愛佢，我唔想睇到佢唔開心，佢既唔開心即係

我唔開心，佢俾人罰12碼果陣我真係想飛身入電視做貞子去安慰佢。其實我又好想去賴基瑾，正一死人

頭，仲乜後尾打五個防守球員？俾羅馬尼亞攻到有氣冇定抖，我Philip整到有12碼，只係輸波既導火線，根

本成場波，睇個勢，羅馬尼亞d球員個個好似玩標童咁上晒身，英格蘭d球員似睇波唔似踢波，都知英格蘭

好危危在乎，但係最唔抵既係俾Philip做左箭靶，其實都唔係完全怪得晒佢，Philip好可憐！Philip，我永遠都

咁愛你架！唉，查實就算英格蘭出到線，佢地對意大利，我都係捧意大利，只不過唔想睇住佢地輸俾死人

羅馬尼亞，嗚！！！！

Philip，你唔好咁啦.......

2000.6.20

  喎呵呵呵呵！例牌既笑聲，因為不單止意大利贏波，迪比阿路更加腳法秀麗地入左一球，雖然好似獨

食左d，但係點都要爭取下一場既正選架嘛！迪比阿路，你要加油呀！隨帶提一提，巴治奧下屆可能去費倫

天拿，咁都好過冇啦，希望佢唔好再坐冷板"鄧"啦！

2000.6.18

  喎呵呵呵呵！挨左成晚夜，眼訓到痺，但可以即場為Gary、Philip、碧咸打氣，睇埋佢地贏兼順手瘦左

幾磅，真係好值得！我好開心呀，只要英格蘭下場對羅馬尼亞和左，就可以出線架啦，不過最好贏啦，成

日令人咁擔心，禽晚就黎完場果陣，我勁叫光頭佬球証快d吹完場雞，幾鬼驚佢地又臨尾香呀！其實成場踢

得最好既係Paul少史高斯，不愧曾經做過我既寵物，特別叻仔既，反而碧咸又抵鬧，成日咁勞氣，俾人罰左

張黃牌，下次再犯，咁唔駛踢四強啦，唉！

贏左波之後Philip幾開心呀！

2000.6.16

  首先，我要向碧咸道歉，原來我怪錯左佢，佢之所以做不文動作，完全係想媽返果d鬧佢老婆

同恐嚇會對佢個魚蛋仔不利既衰格球迷，果然係一個好老公&老豆，不過Victoria就衰d，要出動到碧咸個阿

媽"ai"佢唔好去睇波，驚有危險嘛，真係！

  太好啦！意大利又贏波，以2:0擊敗比利時，其實我覺得比利時踢得仲好，意大利真係有d死好命！恩

沙基俾人封左做"越位之王"、"影帝"，我都唔知d人原來唔多鍾意佢，不過我都係，但冇托迪咁緊要，哩位

人兄除左有佢冇迪比阿路，搞到阿迪成日冇正選之外，佢掂親波就甩腳，交波又唔多準，我一路睇波一路

就想兜把佢架啦！挨左成晚通宵，迪比阿路又唔係出得好多，簡直好似以前等巴治奧出黎踢世界盃咁等到

望穿秋水！唔該個索夫下場好比返迪比阿路正選啦，但我驚托迪入左一球，迪比阿路更加有得睇冇得踢！

2000.6.13

  Oh My God！英格蘭輸左俾葡萄牙3:2呀！~~~~~~仲要係俾人後尾追返3球，俾我係英格蘭球員就真係會

o係完場後激到嘔血啦！大佬呀，下場仲要對住德國，一d都唔樂觀o忝架，我好驚入到四強我就唔駛睇囉！

呵呵 (苦笑)！基本上我冇睇到直播架，宜家輸左我更加唔想睇，我唔想睇到Gary、Philip、碧咸失望既樣呀！

嗚嗚嗚嗚~~~~~~~~~

  碧咸，你好煩呀！都輸左波啦，仲想點呀？人地得罪你d乜唧，點都係米飯班主黎架，家下好啦

！輸波之餘又隨時俾人罰，你話到時停左賽咁點喎？又話好有信心贏返德國同羅馬尼亞出線，真係想爛你

個肺呀！就算你唔停賽都唔係咁容易啦！你對唔對得住你個魚蛋仔o丫？唉，唔該你生性d啦！

2000.6.11
    呵呵，迪比阿路既美貌真係勁到連麻甩佬都不能敵，事緣意大利國家隊o係比利時一座體育館

練波果陣，有幾個在場既球迷突然衝落場地，其中一個廿幾歲既後生仔仲咀左迪比阿路一啖，真係該煨。

好彩報紙話佢哭笑不得唧，如果佢係沾沾自喜，我就嘔白泡囉！不過佢有女朋友既，應該唔會，呵呵！

　  上次Philip連國家隊都冇得入，今次好彩獲得基瑾既垂青，仲成為愛將o忝播，實在太好啦！報

紙今趟報導佢對聽日賽葡萄牙既睇法，佢話會好努力嘜實費高喎，Philip，你要加油呀！我永遠支持你！

  唉，"救命"！哩句野我今晚睇意大利VS土耳其嗌左好多次，老實講，雖然我捧意大利，但佢地今場咁

踢法，對住既係勁旅就實死冇生，緊張到我扯甩頭髮咁濟呀！不過佢地又死好命咁贏左2:1，希望佢地下場

踢返好d，俾返d水準我地d球迷睇嘛！都係迪比阿路勁，佢球罰球正到無論，可惜唔入呢，佢既表現令我諗

到巴治奧，希望今次歐盃可以令到佢既事業更上一層樓就好囉！

回到主頁